Манчестер Сити „киксна“ против Челси на домашен терен и одигра само 1-1. Заглави машината на Пеп Гвардиола во дуелот што можеби оваа сезона и не е класично дерби, со оглед дека Челси не е во битка за највисок пласман. Но, двапати ги сопре „граѓаните“.
Составот на Маурисио Покетино успеа да ги неутрализира офанзивните страни на Манчестер Сити, а поведе со голот на Рахим Стерлинг во 42.минута.
Ерлинг Халанд немаше свој ден, Де Бруин делуваше исцрпено, Фоден беше непрепознатлив, па Сити се мачеше да дојде и до реми. На крајот тоа им успеа со голот на Родри во 83.минута од мечот.
