Интер оствари минимален триумф (0-1) на гости против Фиорентина и повторно се врати на врвот во Серија А со 54 бода, еден повеќе од Јувентус, кој има одиграно и еден натпревар повеќе од „нероаѕурите“.
Лаутаро Мартинез беше стрелец на победничкиот гол за Интер во 14.минута од дуелот. Тој одлично реагираше по корнерот од левата страна и со удар со глава ја затресе противничката мрежа.
Во 76.минута, Фиорентина имаше колосална шанса за израмнување, но Нико Гонзалес не успеа да реализира пенал. Зомер го одбрани неговиот удар.
