Фудбалерите на Ливерпул се пласираа во осминафиналето на ФА Купот откако на „Енфилд“ го победија Норич со 5-2.
Ова беше прв натпревар откако Јирген Клоп во петокот објави дека го напушта клубот на крајот од сезоната, а во вистинската „ливерпулска“ атмосфера тимот одигра напаѓачки и ефикасно.
Голеадата ја отвори Кертис Џонс, кој веќе во 16. минута погоди со глава за 1-0. Но, Норич брзо возврати, бидејќи во 22. минута Гибсон израмни на 1-1.
Ливерпул брзо го постигна и вториот гол, бидејќи во 28. минута Дарвин Нуњез погоди по асистенција на Бредли за 2-1, што беше резултат на првото полувреме.
На почетокот на вториот дел Жота побегна на одбраната и ја искористи лошата реакција на стоперот на Норич, испраќајќи ја топката во далечниот агол за 3-1.
Потоа дојде кам-бекот во 55. минута, кога на теренот по долга пауза се врати Енди Робертсон, на кој му се придружија Ван Дајк и исто така закрепнатиот Доминик Шобошлаи.
Во 63. минута резервните играчи беа креатори за 4-1, Шобошлаи одзеде топка, а Ван Дајк од 10 метри со глава ја погоди мрежата.
Во 69. минута ефектен гол постигна Саинц, кој Ван Дајк го пушти и го потцени, по што следеше одличен удар од далечина за 4:2.
Во последните моменти од натпреварот во листата на стрелци се запиша и Гравенберх за конечни 5-2.
