Македонскиот прволигаш Брера загуби на подготовките во Анталија од украинскиот тим Черноморец Одеса со 3-1. Струмичани постигнаа еден погодок, а за Черноморец двоен стрелец беше Васиљев, погоди и Присјажник.
Работнички одигра 2-2 против црногорскиот тим Младост на подготовките во Хрватска.
„Романтичарите“ имаа предност од 2-0 со двата гола на Билали, а Црногорците успеаја да израмнат во финишот од мечот.
Второлигашот Пелистер одигра пријателски натпревар со албанскиот тим Поградец и славеше со 2-0. Двоен стрелец за битолчани беше Петар Љамчевски.
