Барселона доживеа катастрофален пораз од Реал Мадрид со 4-1 во финалето на шпанскиот Суперкуп. Генерално во текот на сезоната играта на Каталонците не оди најдобро и нивните настапи ниту од далеку не се како минатогодишните.
Во вакви моменти веднаш се зборува за промена на тренерот, а се шпекулира дека и играчите сакаат промена и се жалеле на методите на менторот и неговиот стручен тим.
Микел Артета е првата желба на Барселона и во Шпанија се смета како најсериозен кандидат за да го замени Чави, откако добро се снајде на кормилото на Арсенал.
Друга опција е Мичел, кој ја предводи сензацијата во Ла Лига – Џирона.
