Меѓународниот институт за фудбалска историја и статистика (ИФФХС) ги објави лауреатите за 2023 година, а за најдобар светски фудбалер е избран Ерлинг Халанд.
Норвешкиот напаѓач ги освои сите можни титули со Манчестер Сити, а успеа да постигне повеќе од 50 голови во сите конкуренции.
Халанд освои вкупно 209 поени, многу повеќе од второпласираниот во изборот, Килијан Мбапе – со 105.
Третата позиција му припадна на Лионел Меси со 85 поени.
Во Топ 10 се најдоа и Родри, Џуд Белингам, Кевин де Бруин, Хари Кејн, Бернардо Силва, Винисиус Жуниор и Лаутаро Мартинез.
