Интер и Јувентус се заинтересирани за дефанзивецот на Лил, Тијаго Џало, пренесуваат италијанските медиуми. 23-годишниот фудбалер има договор со францускиот клуб до крајот на сезоната.
„Нероаѕурите“ претпочитаат да чекаат да му истече договорот и да го земат бесплатно на лето. Во исто време, францускиот клуб не сака да загуби еден од своите најдобри играчи бесплатно и е подготвен да го продаде оваа зима за сума од околу 5 милиони евра.
И Јувентус ја следи ситуацијата со дефанзивецот и е подготвен да интервенира во битката за неговиот потпис. „Бјанконерите“ сѐ уште не стапиле во разговори ниту со претставниците на играчот, ниту со неговиот сегашен клуб.
Тијаго Џало е дел од Лил од летото 2019 година. Потоа беше привлечен од академијата на Милан.
Во моментов се смета дека Интер е фаворит за потписот на Португалецот, а желба на фудбалерот е да премине на „Џузепе Меаца“.
