Њукасл ќе направи уште еден обид да го ангажира напаѓачот на Пари Сен Жермен, Уго Екитике, тврди „Л’Екип“.
„Чавките“ го посакуваа 21-годишниот талент уште додека беше во Ремс, но тогаш тој ја избра понудата на парижаните. Сепак, тој едвај добива шанси да се појави на „Паркот на принцовите“ и Англичаните се потпираат дека тој сега можеби многу повеќе размислува да ја прифати нивната понуда.
Екитике има само еден настап за ПСЖ од почетокот на сезоната. Досега има четири гола и четири асистенции на 33 натпревари за францускиот шампион.
