Арсенал успеа да остане непоразен на „Енфилд Роуд“ играјќи 1-1 против Ливерпул во големото дерби на 18.коло во Премиер – лигата. „Топчиите“ остануваат на врвот со 40 бода, а Ливерпул и Астон Вила имаат бод помалку.
Габриел му донесе водство на Арсенал уште во четвртата минута откако со удар со глава ја затресе мрежата на Алисон Бекер.
Но, брзо одговори и Ливерпул. Мохамед Салах во 29. минута доби топка на десната крилна позиција, го надмудри противникот и потоа упати силен и прецизен удар во првиот агол, носејќи израмнување.
Во продолжението и двете екипи се обидуваа да стигнат до триумд, но на крајот поделија по еден бод.
