Тотенхем се врати во победнички ритам и денеска ја оствари третата победа во низа, вкупно 11-та оваа сезона во Премиер-лигата. Тимот на Анге Постекоглу на домашен терен славеше против Евертон со 2-1 и го прескокна на табелата актуелниот шампион Манчестер Сити.
Ришарлисон го отвори резултатот во деветтата минута, а Хјонг Мин Сон зголеми на 2-0 во 18.минута. Евертон ја врати надежта со голот на Андре Гомеш во финишот, но, сепак, остана без бодови.
Борнмут го победи Нотингем Форест на гости со 2-3, а Лутон беше подобар од Њукасл (1-0), со голот на Андрос Таунсенд.
