Англиските премиерлигаши Челси и Ливерпул се заинтересирани за фудбалерот од средниот ред на Интер, Николо Барела.
Тој е еден од носителите во составот на Симоне Инзаги и во италијанската фудбалска репрезентација.
„Нероаѕурите“ сакаат да го задржат 26-годишниот играч за врска, но доколку пристигне богата понуда сигурно ќе ја разгледаат. Медиумите во Италија најавуваат дека Интер бара околу 60 милиони евра.
Челси и Ливерпул засега се главни кандидати за негов ангажман.
