Патрик Шик постигна хет-трик за едно полувреме, а Баер Леверкузен на убедлив начин, со триумф од 4-0, ја заокружи 2023 година. Виктор Бонифејс го постигна четвртиот гол за „фармацевтите“ кои остануваат на врвот со 42 бода, четири повеќе од Баерн Минхен.
Баварскиот клуб славеше со 1-2 на гости кај Волфсбург. Мусијала и Кејн беа стрелци на головите за Баерн, а за Волфсбург погоди Арнолд.
Штутгарт со 3-0 го совлада Аугсбург. Ундав, Гираси и Фухрих стрелаа за „швабите“. Хајденхајм го победи Фрајбург со 3-2, а Ајнтрахт Франкфурт триумфираше против Борусија Менхенгладбах со 2-1.
