Барселона имаше многу проблеми, но на крајот успеа да слави триумф (3-2) против Алмерија, последнопласираниот тим во Ла Лига. Тимот на Чави Хернандез не е во најдобра форма, има и неколку повредени фудбалери, и тоа е лесно забележливо.
Рафиња во 33.минута донесе водство за Барса, но израмни Лео Баптистао осум минути подоцна.
Серхи Роберто во 60.минута повторно обезбеди предност за Барселона, но возврати и Едгар Гонзалез.
На крајот, повторно Серхи Роберто беше стрелец на победничкиот погодок во 83.минута од мечот.
