Претседателот на Наполи, Аурелио де Лаурентис, се закани дека неговиот клуб можеби нема да патува во Ријад за Суперкупот на Италија.
Сезонава турнирот ќе се одржи меѓу 18 и 22 јануари во Саудиска Арабија и за првпат ќе учествуваат четири екипи, а покрај „наполитанците“ тоа се Интер, Лацио и Фиорентина.
Де Лаурентис е загрижен за состојбата на терените во Саудиска Арабија.
„Доколку терените не се на потребното ниво, нема да го испратам Наполи“, изјави претседателот на шампионот.
Според „Кориере дела Сера“, претставниците на Наполи во наредните денови ќе отпатуваат за Ријад за да ги проверат условите.
