Хрватскиот првак Динамо Загреб, чии членови се Аријан Адеми и Стефан Ристовски, за прв ривал во нокаут фазата од Конференциската лига го доби шпанскиот прволигаш Бетис. Тоа е бараж за осминафинале во третото по ранг европско натпреварување.
Ајакс за противник го има Бодо/Глимт, а Ајнтрахт Франкфурт ќе игра против белгискиот Унион Ројал Сен Жил.
Победниците од групите на Конференциската лига, Лил, Макаби Тел Авив, Плзен, Клуб Бриж, Астон Вила, Фиорентина, ПАОК и Фенербахче, се пласираа директно во осминафиналето.
Натпреварите ќе се играат на 15 и 22 февруари, а ждребот за осминафиналето е на 23 февруари. Финалето ќе се игра во мај во Атина.
ДВОЈКИ КОНФЕРЕНЦИСКА ЛИГА – Плејоф
Штурм – Слован
Сервет – Лудогорец
Унион Ројал Сен Жил – Ајнтрахт Франкфурт
Бетис – Динамо Загреб
Олимпијакос – Ференцварош
Ајакс – Бодо/Глимт
Молде – Легија
Макаби Хаифа – Гент
