Англискиот премиерлигаш Арсенал зимава дефинитивно ќе купи уште еден напаѓач. Менаџерот Микел Артета смета дека му треба уште еден напаѓач за да се бори на сите фронтови, а прва цел е – Иван Тони. Сепак, Брентфорд за својот играч бара дури 70 милиони евра, па не е исклучено Артета да се сврти и кон други цели.
Тоа би можел да биде Доминик Соланке, пишуваат медиумите на Островот.
Напаѓачот на Борнмут блесна оваа сезона, постигна девет гола и го привлече вниманието на поголемите клубови.
Има 26 години, интересно, порасна во академијата на Челси, од која на 20 години како слободен играч пристигна во Ливерпул.
Сепак, тој никогаш не доби вистинска шанса ниту во Ливерпул, па зимата 2019 година се пресели во Бурнмут за 21 милион евра.
За овој клуб одигра 193 натпревари, постигна 65 гола и запиша уште 28 асистенции.
