Организацијата која е сопственик на Пари Сен Жермен, Катар Спорт Инвестментс (QSI) објави договор за стратешко партнерство и инвестиции со американската компанија за приватен капитал Arctos Partners (Arctos). Оваа фирма е специјализирана за ликвидност и структурирани капитални решенија за раст на сопствениците на спортски франшизи и, според сопствен опис, е „фокусирана на создавање вредни решенија за сложени проблеми“.
Според договорот, Арктос ќе се здобие со малцински удел во ПСЖ, кој официјално не е објавен, но според извори ќе биде 12,5%. Договорот го вреднува ПСЖ на 4,25 милијарди евра, што е рекорд за фудбалски клуб.
Инвестицијата на Арктос ќе биде искористена за развој на операциите на ПСЖ и поддршка на стратешките иницијативи на клубот за недвижнини, вклучувајќи ги и оние поврзани со неговиот стадион и идните фази на развој на тренинг центарот на ПСЖ во Поаси, надвор од Париз. Арктос, исто така, ќе обезбеди услуги, експертиза и стратешки информации за да му помогне на клубот да ги реализира своите амбиции. Тие вклучуваат поддршка на извонредниот раст што QSI го поддржа до денес во ПСЖ, продолжување на меѓународната експанзија на клубот на нови пазари, вклучително и Северна Америка, ангажирање на нови и постоечки навивачи низ сите географски области и соработка за истражување на можностите за инвестирање во спортот ширум светот.
Претседателот на ПСЖ, Насер Ал-Келаифи, е одушевен од новиот партнер.
„Среќни сме да му посакаме добредојде на Арктос во семејството на Пари Сен Жермен како партнер и стратешки инвеститор. Како клуб и институција, влегуваме во следната возбудлива фаза на растот и развојот на ПСЖ, и на теренот и надвор од него – заснована на долгорочни амбиции и стремеж кон извонредност во сè што правиме.
Arctos е исклучителен партнер кој ни помага да ги постигнеме нашите цели, нудејќи стратешка експертиза, идеи и иновации на нашиот бизнис, истовремено обезбедувајќи инвестиции и нови односи за поддршка на нашите фудбалски и спортски цели. Од првиот ден, тие страсно веруваа во нашиот проект, нашиот план и нашата визија за клубот – и ние сме горди што ги имаме како дел од нашето семејство. Денешниот ден е важна пресвртница во историјата на Пари Сен Жермен и значително ќе придонесе за понатамошниот успех и раст на нашиот голем клуб“.
