Италијанскиот калчолигаш Милан планира да поднесе понуда за напаѓачот на Штутгарт, Серху Гираси, во јануарскиот преоден рок, тврди „Калчомеркато“.
Репрезентативецот на Гвинеја игра во одлична форма во дресот на Штутгарт. Оваа сезона постигна 16 гола на 11 натпревари во Бундес-лигата.
27-годишниот Гираси има ослободителна клаузула од 17 милиони евра во неговиот актуелен договор, која ќе стане активна во јануари.
Напаѓачот сака да остане во Штутгарт до крајот на сезоната, но за него интерес има не само од Милан, туку и од Рома, Њукасл и од Манчестер Јунајтед.
