Ерлинг Халанд продолжува да се етаблира како фудбалер кој урива рекорди во европскиот фудбал. Тој сега го собори рекордот за најбрзи 40 гола во Лигата на шампионите, што успеа да го постигне на само 35 натпревари.
Со ова тој надмина фудбалска икона како Руд ван Нистелрој, кој го постигна својот 40. гол по 45 натпревари во „турнирот на богатите“. Претходната млада сензација, Килијан Мбапе, тоа го направи по 59 меча, а легенди како Меси и Левандовски само во 61 меч.
Освен тоа, Халанд го надмина Мбапе и во уште еден аспект, го постигна својот 40. гол на 23 години и 130 дена и стана најмлад фудбалер со такво постигнување.
