Тренерот на Баерн Минхен, Томас Тухел, зборуваше за состојбата на дефанзивецот Матијс де Лихт.
Холандскиот репрезентативец неодамна започна со индивидуални тренинзи откако се опорави од повредата, но шефот на Баварците е песимист за шансите на играчот да се врати на теренот пред крајот на годината.
„Состојбата на Де Лихт? Мислам дека тој нема да биде на теренот до крајот на оваа година“, изјави Тухел на прес-конференција.
24-годишниот дефанзивец се повреди на 1/16-финалниот натпревар со Сарбрикен за Купот на Германија.
Баерн ќе се обиде да го ангажира Рафаел Варан од Манчестер Јунајтед поради кадровската ситуација со централните дефанзивци.
