Крилниот напаѓач на Манчестер Јунајтед, Алехандро Гарначо, постигна прекрасен гол против Евертон во триумфот на „црвените ѓаволи“ од 0-3 на „Гудисон Парк“. Сега тимот на Ерик Тен Хаг се наоѓа на шестото место на табелата, со шест бода помалку од водечкиот Арсенал.
„Искрено, и јас не можам да верувам. Не видов како топката оди во голот, само ја слушнав вревата од трибините. Си реков: „О Боже! Ова секако е еден од најубавите голови во мојата кариера и многу сум среќен“, изјави Гарначо.
„Дали ова може да биде гол на сезоната? Да. Сега сѐ уште е ноември, но мојот одговор е „да“, додаде Аргентинецот.
