Барселона денеска ја дозна најлошата можна вест, Гави ја доживеа најтешката можна повреда и ќе отсуствува од теренот до почетокот на следната сезона.
Каталонците веруваат дека ќе мора да донесат одредена замена за него на зима.
Средниот ред сега останува само на триото Де Јонг, Гундоган, Педри, а сѐ уште се чека враќањето на закрепнатиот Холанѓанец кој треба да добие зелено светло пред викендот.
Резерви се Фермин Лопез, Ориел Ромеу и Серхи Роберто кои се мачат со повреди, па тоа јасно покажува дека Барса ќе мора да донесе играч од средниот ред во зимскиот преоден рок.
Според последните информации, тоа би можел да биде, Џовани Ло Селсо.
Аргентинецот беше на листата на желби на Чави и летово, но Тотенхем побара премногу пари, па Барса се откажа. Сега ситуацијата е поинаква, бидејќи Ло Селсо е незадоволен од фактот што е во втор план дури и кога Тотенхем е десеткуван од повреди.
Ло Селсо би дошол на позајмица до крајот на сезоната, што изгледа како најдобра опција за него, за да се подготви и наметне за Копа Америка следното лето.
Сезонава одигра само четири натпревари и на теренот мина само 83 минути, па јасно е дека би можел да побара од Тотенхем да замине на позајмица во Барселона.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski