Баерн, Реал Мадрид и Барселона се заинтересирани за ѕвездата на Наполи, Квича Кварацкелија. Ова го откри селекторот на Грузија, Вили Сањол.
„Квара сега игра за врвен клуб како Наполи, но има гиганти во светскиот фудбал како Реал Мадрид, Баерн и Барселона, кои се заинтересирани за него. Да се игра за овие клубови е сон за сите. Секој фудбалер сака да го носи дресот на тие клубови и да освојува титули“, изјави Сањол.
Кварацкелија беше доведен од Наполи во летото 2022 година од Динамо Батуми. Неговиот договор со Наполи е до јуни 2027 година.
