Лидерот Беса славеше на гостувањето кај ГФК Охрид со 1-3 и се зацврсти на врвот на табелата во Втората лига. Стрелци за гостите на овој меч беа Александер Борха Кордоба, Џемаил Есати и Љавдрим Скендери. За домаќинот погоди Хусеин Демири.
Пелистер исто така забележа важна победа на гости против Тетекс со 0-1. На овој натпревар јубилеј славеа „Војводите“, но Стефан Костов уште во четвртата минута обезбди предност за „пелистерци“ која остана до крајот.
Победа го совлада Скопје со 1-0, со голот на Филип Димоски во 37. минута од натпреварот.
Беласица славеше против Караорман со 2-1. За домашниот тим стрелци беа Александар Милушев и Христијан Бејков, додека единствен стрелец за стружани беше Мурат Адили.
Детонит Плачковица ја победи Саса во Македонска Каменица со 1-3. За радовишани реализираа Стефан Бабунски, Сухејб Рушити и Вилдан Керим, додека Саса даде почесен гол благодарение на автоголот на Иљаз Чиљафи.
Арсими беше успешен на гостувањето кај Башкими во Куманово и победи со 1-2, со головите на Бесарт Реџепи и Џезаир Авдули.
Новаци на домашен терен го победи Кожуф со 1-0 со голот на Благој Стојчев во 63. минута.
Осогово и Вардар Неготино ремизираа 2-2. Тоше Манов беше двоен стрелец за Осогово, додека Дарко Алексовски и Ники Зумровски погодија за Вардар Неготино.
