Струга ТЛ го доби дербито со Шкендија, Шкупи го победи Вардар

Струга Трим Лум со пресврт го доби дербито против Шкендија славејќи со 2-1. Тетовци половина час играа со фудбалер помалку поради исклучувањето на Чинари, а поведоа од пенал во 54.минута, со голот на Красниќи.

Сепак, Струга ТЛ одговори соодветно. Басиру Компаоре во 73.минута израмни, а две минути подоцна Марјан Радески донесе целосен пресврт.

Шкупи на Чаир славеше против Вардар со 2-0 и сега е осамен на врвот. Арби Воша во 25.минута го отвори резултатот, а Исах Кука го потврди триумфот со голот во 74.минута.