Менаџерот на Манчестер Јунајтед, Ерик тен Хаг, „потроши“ многу нерви на натпреварот против ФК Копенхаген во Лигата на шампионите. Англискиот гигант победи со 1-0 со голот на Хари Мегваер, а Андре Онана одбрани пенал во последните секунди за прва победа на тимот во елитното натпреврување оваа сезона.
„Сè се постигнува на потешкиот начин. Мислам дека тоа е во ДНК на Манчестер Јунајтед. Многу драматичен натпревар. На крајот бевме максимално нервозни, но го постигнавме посакуваниот резултат“, прокоментира Тен Хаг.
„Создадовме неколку шанси кои не ги искористивме. Добро е кога еден одбранбен играч ќе се вклучи во напаѓачките позиции и ќе постигне гол. Додавањето на Ериксен беше брилијантно. Можевме да постигнеме повеќе голови. Среќен сум што победивме и не примивме гол“, продолжи Холанѓанецот.
„Кога судијата досуди пенал за ФК Копенхаген, моравме да седиме и да чекаме Онана да одбрани. Тој го направи токму тоа на прекрасен начин. Знам колку е добар Андре, само во Јунајтед треба тоа да го покажува на секој натпревар. Доколку го има правилниот сетап и е фокусиран, ќе го прави тоа“, објасни Тен Хаг.
„Ќе размислуваме натпревар по натпревар. Нема лесни мечеви, посебно во ЛШ. Противникот одигра организирано и моравме многу да се трудиме за да стигнеме до победата. Ќе биде тешко и во Данска, особено ако не играме на високо ниво. За да ја минеме групата ни требаат уште најмалку две победи“, изјави менаџерот на „црвените ѓаволи“.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski