Натпреварот меѓу Белгија и Шведска е прекинат при резултат 1-1, по првото полувреме, откако дојде информација дека на улиците на Брисел терорист убил двајца навивачи на Шведска.
Оружениот напаѓач се идентификувал како член на терористичката група ИСИС, извикувал дека е тука за да ги одмазди муслиманските жртви во Газа.
„Убив неверници“, изјавил наводно додека пукал во жртвите.
Убиецот засега е во бегство, а на социјалните мрежи се појави и видео од човек кој на арапски се претставува дека токму тој пукал и носи иста јакна како сторителот на убиствата.
Швеѓаните одбиле да го играат второто полувреме на овој меч, а и Белгијците се сложиле со тоа.
