Жиру се најде во тимот на колото во Италија, но како голман!

Напаѓачот на Милан, Оливие Жиру, се најде во тимот на колото во Серија А. Но, Французинот не е во врвот на нападот, туку на голот.

Жиру застана на голот на Милан во последните мигови од мечот против Џенова, откако Мајк Мањан доби црвен картон, а Стефано Пиоли претходно ги направи сите замени.

Оливие Жиру имаше и една одлична интервенција, па медиумите во Италија го наградија и го внесоа во тимот на колото, но како голман.