Македонија ЃП ја совлада Брера со 1-0 во воведниот натпревар од деветтото коло од Првата фудбалска лига. „Лавовите“ заслужено стигнаа до триумф, а стрелец на победничкиот гол беше Јован Попзлатанов во 45.минута.
Величковски претхдно шутираше кон голот на Брера, Алчевски успеа да одбрани, но ја одби топката која дојде до Попзлатанов, кој од втор обид ја заресе мрежата на струмичани.
Брера во вториот дел тргна по израмнување, а најубавата шанса ја имаше Агрон Руфати во 82.минута, кога со удар со глава шутираше кон голот на Македонија ЃП. Сепак, Христијан Стевковски одлично интервенираше и го спаси својот гол.
