Гиљермо Барос Скелото е отпуштен од функцијата селектор на Парагвај, соопшти фудбалската асоцијација на оваа земја, по лошиот почеток на квалификациите за Светското првенство во Јужна Америка. Ремито 0-0 со Перу и поразот 0-1 од Венецуела во првите два квалификациски натпревари за Светското првенство во 2026 година го чинеа Аргентинецот работа по речиси две години на кормилото.
„Фудбалската федерација на Парагвај ја објавува кулминацијата на процесот што го води селекторот Гиљермо Барос Скелото на чело на репрезентацијата на Парагвај“, се вели во соопштението на организацијата, без да се наведат дополнителни детали.
Гиљермо Барос Скелото го презеде кормилото од сонародникот Едуардо Берицо во октомври 2021 година и победи четири пати во 17 натпревари.
Парагвај последен пат се квалификуваше за завршницата на Светското првенство во Јужна Африка во 2010 година.
