Верати се збогува со фановите на ПСЖ пред преселбата во Катар

Италијанскиот фудбалер Марко Верати ќе ја продолжи кариерата во катарскиот клуб Ал Араби. Тој по 11 години замина од „Паркот на принцовите“, а синоќа се збогува со фановите.

Верати се фотографираше со 30 трофеи кои ги освои во дресот на ПСЖ и доби овации од навивачите.

Италијанецот дојде во Пари Сен Жермен како младо момче од Пескара за сума од 12 милиони евра.