Одбранбениот фудбалер на англискиот премиерлигаш Нотингем Форест, Хари Тофоло, доби суспензија од пет месеци и казнет е парично со 20.956 фунти поради кршење на правилата за обложување на англискиот фудбал, соопшти Англиската фудбалска асоцијација (ФА).
Тофоло дури 375 пати ги прекршил правилата на ФА во периодот од јануари 2014 до март 2017 година, кои им забрануваат на играчите да се обложуваат или да пренесуваат информации што може да се користат за обложување.
Англискиот дефанзивец тогаш бил играч на Норич Сити, а играше како позајмен за Свиндон, Ротерам, Питерборо и за Сканторп. Тофоло пристигна во Нотингем Форест во јули 2022 година и досега има 21 настап.
