Македонија освои бод против европскиот првак Италија играјќи 1-1 на арената „Тодор Проески“ во Скопје. Капитенот Енис Барди постигна прекрасен погодок во 81.минута, кога од слободен удар го совлада Џанлуиџи Донарума.
По натпреварот, имаше што да каже…
„Горд сум на овие момци. Ние сме мала земја, но меѓу нас има многу „лавови“. Сакам да се заблагодарам и на публиката, поддршката многу ни значи. Мислам дека беше тежок натпревар, нормално е тоа кога играш против една Италија. Сепак, ние имавме подобри шанси за гол. Исто така, морам да кажам дека сум горд што ја носам капитенската лента. Има и многу фудбалери кои ми помагаат во тоа да сум капитен“, изјави херојот Енис Барди.
