Европскиот првак Италија не замина на Светското првенство во Катар поради Македонија. „Аѕурите“ долго време имаа кошмари, а и сигурно уште долго ќе се сеќаваат на еден од најголемите неуспеси, поразот од Македонија (0-1) во Палермо во баражот за пласман на СП.
Александар Трајковски во последните мигови од мечот доби топка во полето на противникот, упати силен удар од 30 метри и го изненади Донарума.
Шок за Италија, огромна радост за Македонија.
Вечерва следи нов меч меѓу Македонија и Италија, а дел од италијанските медиуми повторно прашуваат: „Што ќе биде ако Трајковски повторно даде гол?“
