Претседателот на францускиот фудбалски шампион, Пари Сен Жермен, Насер Ал-Келаифи, кој е и претседател на Асоцијацијата на европските клубови, зборуваше за воспоставување на горна граница на платите во фудбалот.
„Ако ги прашате сите клубови, од најголемиот до најмалиот, никој не сака да губи пари. Никој нема да каже – не. Ова е она што го сакаме. Но, дали е тоа легално? Можеме ли да го направиме ова? Дали има правни проблеми? Не знам, но сите ќе сакаат да заработат пари, а не да ги загубат“, изјави Ал-Келаифи.
Во 2021 година, Англија се обиде да воведе ограничување на платите за Лига 1 и Лига 2, но Здружението на професионални фудбалери поднесе жалба до Арбитражниот суд, велејќи дека тоа е незаконско и неприменливо.
