Алегри на крајот од сезоната ќе замине од Јувентус

Масимилијано Алегри заработува седум милиони евра по сезона, а има договор со Јувентус до летото 2025 година. Сепак, тој ќе го напушти клубот на крајот од оваа сезона без разлика дали ќе го освои „скудетото“ или не.

Медиумите во Италија открија дека тој веќе имал тајна средба со емисари на клуб од Саудиска Арабија, но дека целата работа ја одложил за следното лето.

Причината е затоа што не сака да го остави Јувентус без да освои трофеј. Дали ќе успее во тоа, останува да покаже времето.