Шпанскиот прволигаш Севилја го финализираше трансферот на крилниот напаѓач Маријано Дијаз. Долгогодишниот играч на Реал Мадрид пристигнува на „Рамон Санчез Пижуан“ како слободен играч.
30-годишниот репрезентативец на Доминиканската Република се обврза на клубот за две сезони.
Дијаз помина шест сезони на „Сантијаго Бернабеу“ како дел од првиот тим, во кој беше сериозна резерва и забележа само 84 настапи.
Претходно денеска, Андалузијците претставија уште еден поранешен играч на „кралевите“, централниот бек Серхио Рамос, кој се врати во својот матичен клуб.
