Раководството на Манчестер Јунајтед успеа да ја финализира зделката за ангажман на мароканскиот интернационалец Софијан Амрабат од тимот на Фиорентина. Тоа се случи во последните минути од летниот преоден рок.
Амрабат беше официјално претставен како ново засилување на веб-страницата на англискиот клуб.
Софијан Амрабат ќе игра на „Олд Трафорд“ како позајмен до јуни 2024 година.
„За мене е голема чест што станав играч на Манчестер Јунајтед. Морав да бидам трпелив за овој момент, но јас сум личност која секогаш го слуша моето срце и веќе можам да кажам дека го претставувам клубот од моите соништа“, изјави Амрабат.
