Три поранешни европски прваци, Ливерпул, Олимпик Марсеј и Ајакс, ќе играат оваа сезона во групната фаза од Лигата на Европа. Денеска со ждреб беа одредени и групите.
Се чини дека најголема е конкуренцијата во групата Б, каде се Ајакс, Олимпик Марсеј, Брајтон и АЕК.
Ливерпул е во групата Е, заедно со ЛАСК, Унион Сен Жилоа и со Тулуз.
Македонија ќе има два претставници во ова натпреварување. Мартин Мирчевски со својот ТСЦ Бачка Топола и Филип Трпчевски со шведски Хакен.
Лигата на Европа стартува со натпреварите од првото коло на 21 септември. Големото финале е закажано за 22 мај на „Авива“ во Даблин.
Група А: Вест Хем, Олимпијакос, Фрајбург, ТСЦ Бачка Топола
Група Б: Ајакс, Олимпик Марсеј, Брајтон, АЕК
Група Ц: Ренџерс, Бетис, Спарта Прага, Арис Лимасол
Група Д: Аталанта, Спортинг, Штурм, Раков
Група Е: Ливерпул, ЛАСК, Унион Сен Жилоа, Тулуз
Група Ф: Виљареал, Рен, Макаби Хаифа, Панатинаикос
Група Г: Рома, Славија Прага, Шериф, Сервет
Група Х: Баер Леверкузен, Карабах, Молде, Хакен
