Италијанскиот првак Наполи успешно ја стартуваше одбраната на титулата во Серија А. Елиф Елмас доби шанса во финишот на мечот, а неговиот тим славеше на гости против Фросиноне со 1-3.
Абду Харуи во седмата минута погоди од пенал и донесе водство за Фросиноне, а израмни Матео Политано во 22.минута. Потоа на сцена стапи Виктор Осимен, кој со два гола донесе триумф за „наполитанците“.
Нигериецот во 42.минута донесе нова предност за Наполи од 1-2, а во вториот дел го потврди триумфот во 79.минута.
