Македонскиот шампион Струга Трим Лум направи уште еден подвиг, го елиминира Есперанж од Луксембург и се пласира во плеј-офот за групна фаза во Конференциската лига. Таму за противник ќе го има Брејдаблик од Исланд кој е елиминиран од Зрињски.
Струга ТЛ во Луксембург вечерва загуби со 2-1, но сепак ја сочува предноста (1-3) од првиот меч во Скопје.
Марјан Радески во 15.минута доби црвен картон, Струга ТЛ остана со играч помалку.
Само две минути подоцна, Бесарт Ибраими во 17.минута со удар со глава успеа да ја затресе противничката мрежа. Есперанж тргна фуриозно во второто полувреме, затоа што веќе немаше што да загуби.
Во 70.минута Густаво постигна израмнувачки погодок, а Ладо Акалаја во судиското продолжение постигна уште еден погодок. Сепак, Струга ТЛ беше подобра за еден гол во двомечот со Есперанж.
