Струга Трим Лум стигна до третото коло во Конференциската лига, го очекува дуел со Есперанж, а еден од најголемите адути на тренерот Шпетим Дуро повторно ќе биде Марјан Радески. Тој летово игра одлично, ја врати репрезентативната форма и ги тресе мрежите на противниците.
„Се надевам дека ќе има уште голови. Работевме напорно во текот на подготовките, мислам дека повторно сум оној стариот Радески, уживам играјќи со соиграчите и во успесите на тимот. Нѐ очекува уште еден тежок дуел во Европа, го респектираме максимално Есперанж, ги анализиравме и увидовме дека се работи за квалитетен тим. Но, мотивирани сме максимално, веруваме во нашите квалитети и се надеваме на нов успех“, изјави Марјан Радески.
Натпреварот меѓу Струга ТЛ и Есперанж е закажан за утре, со почеток во 17 часот, на комплексот на ФФМ.
