УЕФА ја казни Хрватската фудбалска федерација со 150.000 евра. Причината се навредливите скандирања и нередите предизвикани од навивачите за време на финалето на Лигата на нации, одиграно во јуни во Холандија.
Навивачите на хрватскиот национален тим добија забрана за присуство на квалификацискиот натпревар за ЕП 2024 во Ерменија на 11 септември.
Во случај на понатамошно повторување на вакви нереди во следните две години, хрватскиот тим ќе игра еден натпревар на домашен терен пред празни трибини.
Навивачите на Хрватска беа вклучени во неколку инциденти за време на натпреварите против Холандија и Шпанија минатиот месец. Шпанците го освоија трофејот во Лигата на нации по изведувањето пенали против Хрватите во финалето.
