Саудиска Арабија како земја одлучила да вложи неверојатни 20 милијари евра во фудбалот до 2030 година, а крајната цел е лигата да стане една од најпопуларните во светот.
Министерството за спорт на Саудиска Арабија им дало дозвола на локалните клубови за трошење на 17 милијарди фунти (околу 19,7 милијарди евра) за трансфери до 2030 година, што е околу 2,5 милијарди евра годишно.
Вратата ја отвори Кристијано Роналдо, а потоа тргна неверојатната преселба на фудбалски ѕвезди во Саудиска Арабија.
По неуспехот на преговорите со Лионел Меси, Ал-Хилал наддава за неколку други ѕвезди, како Антоан Гризман, Осман Дембеле. Целта на Ал-Хилал за 2024 година е Роберт Левандовски, иако засега напаѓачот на Барселона не размислува за преселба во Саудиска Арабија.
Вчера се дозна дека ПСЖ ја прифатил понудата на Ал-Хилал за трансфер на Мбапе за 300 милиони евра. На напаѓачот му се нудат 700 милиони евра по сезона, вклучително и трговски договори, и бесплатен трансфер во Реал Мадрид во 2024 година. Сепак, сè уште нема коментар од Мбапе за оваа неверојатн понуда.
