Италијанскиот калчолигаш Јувентус кој претходната сезона се соочи со казна од десет бода поради лажно прикажување на капитални добивки, ќе биде исклучен од настап во Конференциската лига на УЕФА.
Торинскиот клуб самостојно и предложи на УЕФА да биде исклучен од европските натпреварувања за следната сезона како казна за прекршување на финансискиот фер-плеј.
Според информациите на италијанските медиуми, УЕФА го прифатила предлогот на Јувентус. Местото на Јувентус ќе го заземе Фиорентина која претходната сезона стигна до финалето на Конференциската лига, каде доживеа пораз од Вест Хем.
