Напаѓачот на Манчестер Јунајтед, Мејсон Гринвуд е на пат да се врати во натпреварувачки ритам, откако минатата сезона ја мина надвор од теренот поради тековната истрага за силување против него.
Се очекува фудбалерот на „црвените ѓаволи“ на 11 јули да ги мине лекарските прегледи и да замине на позајмица во италијанскиот калчолигаш Аталанта.
Двете страни веќе ги договорија условите за трансферот на играчот, кој последен пат настапуваше на официјални натпревари во сезоната 2021/2022. Тогаш одигра 24 натпревари за Манчестер Јунајтед во сите натпреварувања во кои постигна шест гола.
