Младинскиот репрезентативец Васко Василев ќе го засили новиот прволигаш Гостивар. Тој како позајмен играч од португалскиот клуб Рио Аве во претстојната сезона ќе застане на голот на гостиварци.
19-годишниот чувар на мрежата како голем талент кој ги имаше почетоците во Вардар, потоа се пресели во Црвена Звезда, а од минатата година е член на Рио Аве.
На Василев му е потребна минутажа во сениорскиот фудбал и доаѓањето во Гостивар се чини дека ќе донесе двојна добивка, и за клубот и за младиот голман.
