Италијанскиот гигант Јувентус ќе има недостиг на финансии за следната сезона поради неучеството во Лигата на шампионите, па спасот ќе го бара во продавање играчи. Прв на списокот е Душан Влаховиќ, чија платата од 7 милиони евра е голем товар за буџетот на торинскиот клуб.
Српскиот репрезентативец беше цел на Арсенал и на Челси, но тие купија неколку фудбалери, па сега Јувентус се надева дека може Влаховиќ да го продаде на „Сантијаго Бернабеу“.
На Реал Мадрид му е потребен нов напаѓач по заминувањето на Карим Бензема кој кариерата ја продолжува во Саудиска Арабија.
