Фаворитот Полска успеа да слави (0-1) на гостувањето во Скопје, но не импресионираше со играта. Победи со среќно постигнат гол и од само еден удар кон голот на Столе Димитриевски.
Првата ѕвезда на Полјаците, Роберт Левандовски, вели дека Полска мора да биде многу посупериорна во дуелите против ривали како Македонија.
„Мораме да покажеме многу поголема супериорност на вакви натпревари. Не создадовме ниту една стопроцентна шанса. Постигнавме и среќен гол, единствено бевме добри во дефанзива, не дозволивме Македонија да создаде шанси пред голот на Фабијански“, изјави Роберт Левандовски.
