Македонскиот фудбалски репрезентативец Енис Барди ќе има „немирно“ лето, со оглед дека е неизвесен неговиот статус во турскиот прволигаш Трабзонспор. Новиот тренер Ненад Бјелица му порача дека може да замине доколку за него дојде добра понуда во клубот, а една од нив пристигнала од Саудиска Арабија.
Се работи за позајмица, а клуб од Саудиска Арабија сака да плати 300.000 евра за да го добие Барди за претстојната сезона.
Сепак, оваа понуда од Трабзонспор е процената како премногу мала за да може сериозно да се разговара за зделка.
